Thursday, February 13, 2020

जता हेर्नुस चलिरहेको छ लुटै लुटतन्त्र !!!

Image may contain: Ram Prasad Khanal- रामप्रसाद खनाल 
डिभोर्स गर्ने मान्छे खोज्दै, बोक्दै, र हाईलाईट गर्दै हिडने पत्रकार !
खाम, दाम र स्त्रीलिङ्ग खोज्दै र बोक्दै हिडने पत्रकार !!
दारु र भारु भए पुग्ने बुद्धिजिबी, लेखक, साहित्यकार !
नेताका बेडरुममै पुगेर पद हत्याउने महान कलाकार !!
न्याय निशाफ नदिने न्यायालय र न्यायाधीश !
पैसा पाए चोर, डाँका, भ्रस्टका पक्षमा पनि बहस गर्ने वकिल !!
स्कूल क्यापसमै राजनीति ओकल्ने गुरु !
पढ्न भनेर जाने सढ्न राजनीति गर्ने विद्यार्थी !!
बन्द हडताल गर्ने डाक्टर र नर्स !
जनता र देश लुट्ने लुटाहा नेता !!
अपराधीका सरदारहरुलाई पालै पालो बोक्ने दाशहरु !!
जिबन भर राष्ट्रघात, मर्ने बेला खोल ओढ्ने राष्ट्रबाद

स्वस्थानीका पाना च्यात्नै पर्दछ !

हो कमरेड,
ठीक भन्यौ तिमीले
अब स्वस्थानीका पाना च्यात्नै पर्दछ !
हजारौँ मान्छे च्यात्दा त
चरो मुसो कोहि बोलेनन !
जाबो स्वस्थानीको पाना च्यात्दा
तिम्रो बिरुध्द को बोल्दो रहेछ !
हेरौँला हामी पनि !
बरु पाना च्यात्दै गरेको
कमरेडी अभियानको फोटो
युरोप तिर शेयर गरिहाल्नुपर्छ
किनकी
एउटा फोटोले पनि युरो मात्र होइन
पाउन्डस्टर्लिङ्गको फ्याक्ट्री खुल्न सक्छ
जसरी हिजोका च्याताईहरुमा खुलेको थियो !
कमरेडहरुका घर घरमा
कमरेडहरुका पछाडि लाग्ने
सबैखाले दलेदाईहरुको घर घरमा
युरो र पाउन्डस्टर्लिङ्ग
धानको बाला जस्तै झुलेको थियो !
टाउकोमा हात राखेर
फादरले खुवाएको कसम
निलो आकाश जस्तै खुलेको थियो !

कसरी विश्वास गर्नु ?

अगाडि पर्दा एउटा कुरा गर्छन्
पछाडि पर्दा अर्को कुरा गर्छन्
दुई जिब्रे कुराले मुख मात्र भर्छन्
नैतिकताबाट ख्वात्त खुत्त झर्छन्
अर्कोको विश्वासमाथि खेलवाड गर्छन् !
त्यस्ता मान्छेहरूलाई
भन्नुस् त हजुर
कसरी विश्वास गर्नु ?
तिनको भर कसरी पर्नु ??

कतै म फेरी पनि उल्लु त बन्दिन ??

No photo description available.

उतै जन्मिएकाहरू
उतै हुर्किएकाहरू
उतैबाट पालित र पोषितहरू
यता जन्मिएर पनि उतै गएकाहरू
उतैका पाल्तु भएकाहरू
उतैको कलो खाएकाहरू
अँस्ती १२ बुँदे गर्न उतै गएकाहरू
जे कुरामा पनि उतैका भएकाहरू
अचानक,
हिजो बालुवाटारमा जम्मा भए रे
कालापानी हाम्रो हो भने रे
लिपुलेक र लिम्पियाधुरा हाम्रो हो भने रे
सबै एकजुट बने रे
यस्तो खबर सुन्दा खुसी पनि लाग्यो
तर मेरो खुसी टिक्छ या टिक्दैन
मेरो मिचिएको भूभाग
फेरी बिक्छ या बिक्दैन
म उल्लु चरा जस्तै
ट्वाल्ल पर्दै नियालिरहेको छु
डर लागिरहेको छ मलाई
कतै म फेरी पनि उल्लु त बन्दिन भनेर !
- रामप्रसाद खनाल  

म त्यही निरीह देशको निरीह मान्छे हुँ हजुर !

- रामप्रसाद खनाल
हल्लै हल्ला र अफवाहहरूमा
पहिला पनि चलेको
अहिले पनि चल्ने
र भोलि पनि चल्ने
नेताले जनतालाई उल्लु बनाउँदै
छल्नु सम्म छल्ने
म त्यही निरीह देशको
निरीह मान्छे हुँ हजुर !


Monday, September 30, 2019

लाशहरु बोल्दै बोल्दैनन् !

लाशहरु बोल्दै बोल्दैनन् !
जतिसुकै रुनुस् वा कराउनुस्
वा घोक्रो सुकुन्जेल चिच्याउनुस 
अहँ, मुख खोल्दै खोल्दैनन !
उनिहरुलाई घाटको प्रतिक्षा छ
जल्नका लागि
खरानी हुनका लागि
बस, पालो पर्खिरहेका छन
मात्र दागबत्तीको प्रतिक्षा छ
उता एक हुल मलामी
एकोहोरो शँख फुक्दैछन
परिवार जन चिच्याउँदैछन
रुंदैछन, बिलौना गर्दैछन
तर लाशहरु चुपचाप छन
उनिहरु त मरिसकेका छन ! 
लाशहरु किन बोल्थे र ?
- रामप्रसाद खनाल
२९ सेप्टेम्बर, २०१९, अमेरिका     

गजल के हो ? गजल कसरी लेखिन्छ ? के तपाईको गजल लेखनमा रूचि छ ?? आउनोस् गजल लेखनबारे केही सिकौं !


-मिसन अधिकारी

आजकल गजल लेखनमा बाढी नै आएको छ । सामाजिक सञ्जालमा गजल नलेख्ने कोही छैन जस्तो देखिन्छ । एउटाले लेखेको हेरेरै अर्काले गजल लेख्ने गरेको देखिन्छ । गजलप्रतिको आकर्षण बढ्नु राम्रो कुरा हो ।

तपाई गजलमा रूचि राख्नुहुन्छ ? अर्थात् साथीभाइले लेखेको देखेरै लेखिरहनुभएको छ ? तपाईलाई गजल लेखनमा रूचि छ भने गजल लेखनबारे आधारभूत ज्ञान लिन अनिवार्य हुन्छ । गजलको आधारभूत विषय थाहा पाएपछि नै तपाई राम्रो गजल लेख्नु हुन्छ । आधारभूत ज्ञान लिएको व्यक्ति र निरन्तरको मेहनत एवम् साधानाबाट मात्र उत्कृष्ट गजल लेख्न सकिन्छ ।