Monday, September 30, 2019

लाशहरु बोल्दै बोल्दैनन् !

लाशहरु बोल्दै बोल्दैनन् !
जतिसुकै रुनुस् वा कराउनुस्
वा घोक्रो सुकुन्जेल चिच्याउनुस 
अहँ, मुख खोल्दै खोल्दैनन !
उनिहरुलाई घाटको प्रतिक्षा छ
जल्नका लागि
खरानी हुनका लागि
बस, पालो पर्खिरहेका छन
मात्र दागबत्तीको प्रतिक्षा छ
उता एक हुल मलामी
एकोहोरो शँख फुक्दैछन
परिवार जन चिच्याउँदैछन
रुंदैछन, बिलौना गर्दैछन
तर लाशहरु चुपचाप छन
उनिहरु त मरिसकेका छन ! 
लाशहरु किन बोल्थे र ?
- रामप्रसाद खनाल
२९ सेप्टेम्बर, २०१९, अमेरिका     

गजल के हो ? गजल कसरी लेखिन्छ ? के तपाईको गजल लेखनमा रूचि छ ?? आउनोस् गजल लेखनबारे केही सिकौं !


-मिसन अधिकारी

आजकल गजल लेखनमा बाढी नै आएको छ । सामाजिक सञ्जालमा गजल नलेख्ने कोही छैन जस्तो देखिन्छ । एउटाले लेखेको हेरेरै अर्काले गजल लेख्ने गरेको देखिन्छ । गजलप्रतिको आकर्षण बढ्नु राम्रो कुरा हो ।

तपाई गजलमा रूचि राख्नुहुन्छ ? अर्थात् साथीभाइले लेखेको देखेरै लेखिरहनुभएको छ ? तपाईलाई गजल लेखनमा रूचि छ भने गजल लेखनबारे आधारभूत ज्ञान लिन अनिवार्य हुन्छ । गजलको आधारभूत विषय थाहा पाएपछि नै तपाई राम्रो गजल लेख्नु हुन्छ । आधारभूत ज्ञान लिएको व्यक्ति र निरन्तरको मेहनत एवम् साधानाबाट मात्र उत्कृष्ट गजल लेख्न सकिन्छ ।

Monday, September 9, 2019

हो बा, तपाईंले भनेको सबै सही रहेछ !

हो बा,

तपाईंले भनेको सबै सही रहेछ !
छोराछोरीको बा भए पछि
बल्ल थाहा पाएँ
बा हुनुको अर्थ
बा हुनुको कर्म
बा को मर्म
बा बनेर निर्वाह गर्ने धर्म
सजिलो रहेनछ बा, बा बन्न
घर परिवार सबको मुली भन्न
अहिले झलझली सम्झिन्छु
बा ले भन्नु भएका ति बाणीहरु
बा, तपाईंले भन्नुहुन्थ्यो नि
कुनै दिन तिमी पनि बा बनौला
अनि थाहा पाउला
बा भनेको के रहेछ !
बा मैले थाहा पाईसकेँ
हो बा तपाईंले भनेको सही रहेछ

Saturday, August 17, 2019

पाखे काइँला बा !

तल्लाघरे काइँला बा 
जसले 
मेरा छोरा जस्ता 
अरुका कहाँ हुन्छन र ? 
मेरा छोरी जस्ता 
अरुका कहाँ हुन्छन र ? 
मेरो छोरो यस्तो छ 
मेरी छोरी उस्ती छ 
भन्थे 
अरुलाई सुनाउँथे 
काइँली आमा थपिन्थिन 
काइँला बा र काइँली आमाको

Tuesday, July 30, 2019

कठै मेरो काठमाडौं !

Image may contain: Ram Prasad Khanal, closeup
आफ्नो पन हराउँदै गएछ काठमाडौं
आफ्नैको मन हराउँदै गएछ काठमाडौं
आफ्नैसँग आफ्नै टाढा हुँदै गएछ काठमाडौं
खोई कुन्नी किन यति बिघ्न भएछ काठमाडौं !
झरी मात्र होइन स्वार्थै स्वार्थले हिलाम्मे छ काठमाडौं
बाटाघाटा भन्दा पनि मन बिग्रिनेहरुको राजमार्ग भएछ काठमाडौं
आफ्नैसँग आफ्नै जल्नेहरुको भएछ काठमाडौं
इर्श्या डाहाले बल्नेहरुको भएछ काठमाडौं
हरकुरामा ठगी, ठगहरुको शहर भएछ काठमाडौं
एकदिन मर्न पर्छ भन्ने बिर्सनेहरुको भएछ काठमाडौं
सत्ता शक्ती र भक्तिको राजधानी भएछ काठमाडौं
बिसादी खाएर बाँच्नेहरुको रोगी राजधानी भएछ काठमाडौं
मानवता, नैतिकता, धर्मकर्म सेलाएर गएछ काठमाडौं
हर कुरामा हेर्दा नराम्ररी गएछ काठमाडौं
के भनौं र खोई ! के भएछ भएछ काठमाडौं !!
- रामप्रसाद खनाल, हाल काठमाडौं
जुलाई १२, २०१९

Friday, March 29, 2019

विश्व कविता दिवस रे, खै के लेखुँ कविता !!

तेत्तिस कोटि देवी देवताहरू

ढुङ्गामा सीमित भए पछि
साँढे चढेर हिँडेका पशुपति
कुन्नि कता हो कता गए पछि
उजाड मन्दिरहरूमा आजकल
घण्टहरू एकोहोरो मात्र बजिरहन्छन्
दर्शनार्थीहरु भजन भजिरहन्छन
तर कुनै अत्तोपत्तो छैन
देवी देवताहरूको !
अलि पर देखिन्छ

Tuesday, February 5, 2019

छि छि छि छि कस्ता दिन आए हेर्दा हेर्दै !

 नाङ्गै नाच्ने, छाडाहरु दर्शक पाउँछन आजकल
ठेकेदारले पनि तिन्लाई ठेक्का लाउँछन् आजकल
छि छि छि छि कस्ता दिन आए हेर्दा हेर्दै
हेर्दा सुन्दा लाजै लाग्ने गीत गाउँछन आजकल !
#               #                    #                   #
मेला आयोजक तिन्कै पछी धाउँछन आजकल 
नाङ्गानाचनै चाहिन्छ भन्ने पनि ठाउँछन आजकल
गीत संगीत र कला क्षेत्र बदनाम हुँदै गयो
तिनै नाङ्गा लिई हिंड्ने ठुला माउँछन आजकल !!
-  रामप्रसाद खनाल, हाल अमेरिका, फेब्रुअरी ०५, २०१९