Wednesday, March 28, 2012

बैद्य समूह छापामार युद्धको तयारीमा लागेको भन्ने प्रचण्डको आरोपलाई पुष्टी गर्दै मंगलबार वैद्य पक्षका नेता रामबहादुर थापा बादलले फौजी तयारी भइरहेको र जेठ १४ आसपासमै ‘एक्सन’मा जाने हुंकार दिए !


प्रचण्डको अभियोग र बादलको स्वीकारोक्तिपछि कानुनी र प्राबिधिकरुपमा एकैठाउँमा राहेका आम माओवादी कार्यकर्ता र जनतामा प्रश्न उब्जिएको छ-साँच्चै बैद्य पक्षले पुरानै शैलीमा हतियारबद्ध आन्दोदनको तयारी गरिरहेको हो त ?’ ५२ सालकै जस्तो दीर्घकालीन छापामार युद्ध वा वैद्य पक्षले भनेजस्तो शहरी बिद्रोह के होला भन्ने बहसमा माओवादी केन्द्रीत भइरहेका बेला जेठ १४ मा संबिधान आउने र शान्तिका दिन सुरु हुने अपेक्षा गरेका जनता आतंकित हुन थालेका छन् । ससर्ती हेर्दा वैद्य पक्ष फौजी, राजनीतिक र सांगठनिक तीनै खाले तयारी गरेर युद्धको मुखैमा पुगेजस्तो देखिन्छ । कम्युनिष्टहरुले पार्टी, सेना र मोर्चालाई क्रान्तिका तीन हतियारका रुपमा ब्याख्या गर्छन् । पार्टीभित्र छुट्टै पार्टी बनाइसकेको वैद्य पक्षले साना बाम दलहरुसँग मोर्चाबन्दी गरेर आन्दोलनको अर्को हतियार तयार पारेको छ भने अबकाशप्राप्त लडाकूलाई संगठित गरेर सैनिक तयारीसमेत थालेको उनीहरु बताउँछन् । अबकाश रोजेका लडाकूको दाङमा भेला बोलाएर संगठित गरेको उसले तीनै असन्तुष्ट लडाकू आन्दोलन र परिआए युद्धमै परिचालन गर्न सकिने
सोंचाईमा पुगेको छ । तर त्यसको काउन्टरमा संस्थापन पक्षले पनि वैद्य पक्षका नेतालाई संगठनको जिम्मेवारीबाट हटाउँदै आफ्ना नेताहरुलाई जिम्मेवारी दिन थालेको छ भने अबकाशप्राप्त लडाकूलाई पनि संगठित गर्न थालेको छ ।
सरकारको मामिलामात्र हैन अन्य थुप्रै बिमतिका कारण वैद्य पक्ष माओवादीभित्र प्रचण्ड र बाबुरामसँग मिलेर वस्नै नसक्ने अबस्थामा पुगेको छ । तत्कालै पुरानै शैलीको जनयुद्ध सफल हुन नसक्ने ठानेको वैद्य पक्षले शहरी बिद्रोह हुने र आफ्नो मोर्चाले त्यसको नेतृत्व गर्ने अपेक्षा गरेपनि बिद्रोहको बोलीमा उसका आन्दोलनका सारथीहरु सहमत छैनन् ।
‘बिद्रोह गर्ने या फौजी संरचना बनाउने उहाँहरुको आन्तरिक कुरा होला, तर मोर्चा यसमा सहमत हुन सक्दैन’ वैद्य पक्षसित मोर्चाबन्दी गरेका मणि थापाले भन्नुभयो -’मोर्चामा सामेल हुने बेलामै हामीले यो कुरा प्रष्ट पारिसकेका छौं ।’ जेठ १४ भित्रै जनभावना अनुसार शान्ति र संविधान बनाउने तथा पहिचान र सामथ्र्यको आधारमा राज्य पुनर्संरचना हुनुपर्ने माग पुरा गराउन र त्यसो नभएमा आन्दोलनमा जान आफुहरुले वैद्य पक्षसँग मोर्चा बनाएको भन्दै थापाले तत्कालै बिद्रोह हुने वा पुरानै शैलीले छापामार युद्ध हुने सम्भावना पटक्कै नरहेको बताउनुभयो ।
सभासद्हरुको आन्दोलन वैद्यलाई संकट
अबिश्वासको प्रस्ताव ल्याएरै भएपनि सरकार ढाल्ने, हस्ताक्षर संकलन गर्ने र सडकबाट आन्दोलन गर्ने तयारी गरेको वैद्य पक्ष सभासदहरुको पछिल्लो आन्दोलनले संकटमा परेको छ । जेठ १४ मा जसरी पनि संविधान जारी गर्नुपर्ने भन्दै युवा सभासदका नाममा थालिएको दबाव अभियानमा वैद्य पक्षकै सभासदहरु पनि जसले प्रचण्ड र बाबुरामलाई भेटेर जेठ १४ मा जुनसुकै हालतमा संविधान ल्याउन दबाब दिएका छन् । माओवादी, कांग्रेस र एमालेका युवा सभासद्ले थालेको यो आन्दोलनमा अहिले साना दलका सवै सभासद् र ठूला दलका बुढा सभासद्हरु पनि ऐक्यबद्धता देखाउँदै पुगेका छन् ।
मोर्चासितको सहमतिका कारण बाबुरामको राजीनामालाई छाड्न बाध्य बैद्य समूह बिद्रोहको नारा पनि उनीहरुकै कारण त्याग्नुपर्ने अबस्थामा पुगेको छ । संबिधानभन्दा बिद्रोहलाई प्राथमिकता दिने तयारीमा रहेको वैद्य समूहका सभासद्ले जेठ १४ मा संबिधान बनाउ भन्दै अब वैद्यलाई नै घेर्ने भएका छन् । जसले गर्दा शान्ति र संबिधानको पक्षमा वकालत गरिरहेकाहरुको मत बलियो भएको छ भने वैद्यको आन्दोलन कम्तिमा जेठ १४ सम्मका लागि भएपनि निष्प्रभावी हुने भएको छ ।

No comments:

Post a Comment