Monday, September 30, 2019

लाशहरु बोल्दै बोल्दैनन् !

लाशहरु बोल्दै बोल्दैनन् !
जतिसुकै रुनुस् वा कराउनुस्
वा घोक्रो सुकुन्जेल चिच्याउनुस 
अहँ, मुख खोल्दै खोल्दैनन !
उनिहरुलाई घाटको प्रतिक्षा छ
जल्नका लागि
खरानी हुनका लागि
बस, पालो पर्खिरहेका छन
मात्र दागबत्तीको प्रतिक्षा छ
उता एक हुल मलामी
एकोहोरो शँख फुक्दैछन
परिवार जन चिच्याउँदैछन
रुंदैछन, बिलौना गर्दैछन
तर लाशहरु चुपचाप छन
उनिहरु त मरिसकेका छन ! 
लाशहरु किन बोल्थे र ?
- रामप्रसाद खनाल
२९ सेप्टेम्बर, २०१९, अमेरिका     

No comments:

Post a Comment